Berglind Óskarsdóttir Fegurðardrottning Suðurnesja 2002
Berglind Óskarsdóttir, 18 ára Keflavíkurmær, var kjörin Fegurðardrottning Suðurnesja 2002 í Bláa lóninu rétt í þessu. Snjólaug Þorsteinsdóttir, tvítug Njarðvíkurmær varð í öðru sæti og Vala Rún Vilhjálmsdóttir, tvítug úr Keflavík, varð í því þriðja.Berglind sópaði til sín verðlaunum kvöldsins, því auk þess að vera kjörin Fegurðardrotting Suðurnesja, var hún jafnframt kjörin K-sport stúlkan og Gallery förðun stúlkan. Berglind var einnig kjörin Bláa lóns stúlkan.Kristjana Arnarsdóttir, tvítug úr Grindavík, var kjörin Ljósmyndafyrirsæta Suðurnesja og Ólöf Daðey Pétursdóttir, 19 ára Grindavíkurmær, var valin Vinsælasta stúlkan í keppninni.
