Beikon cheddar salat í Ofurskálarpartýið

Úrslitaleikur NFL ruðningsdeildarinnar, Ofurskálin, fer fram annað kvöld og því ekki seinna vænna fyrir þá sem ætla að horfa á leikinn í góðra vina hópi að fara að huga að snarli með leiknum. Flestir kannast við hefðbundið ostasalat, en það er ekki óalgengt í veislum Íslendinga. Færri hafa þó líklega smakkað beikon- cheddarsalat að hætti matarbloggarans Gígju S. en hún deilir hér með okkur uppskriftinni af því. Ómótstæðilega gott og skemmtileg tilbreyting frá hinu klassíska.

Innihald:
200 gr. bacon kurl
250 gr. rifinn cheddar ostur (ég keypti heilt Óðals cheddar oststykki frá MS og reif niður)
250 gr. grísk jógúrt
200 gr. sýrður rjómi
150 gr. hakkaðar möndlur
Stilkur af einum púrrulauk
1/2 tsk salt
1/2 pipar

Beikonið er steikt á pönnu

Cheddar osturinn rifinn

Púrrulaukurinn skorinn smátt

Öllu blandað saman í skál og hrært

Njótið vel!