Básinn bestur í júlí

Olís Básinn í Reykjanesbæ varð hlutskarpastur allra þjónustustöðva Olís á Íslandi í júlímánuði í þjónustukönnun sem gerð er hjá Olís mánaðarlega. Þetta var í þriðja sinn sem Básinn hlýtur þessi verðlaun.

Ásgeir Steinarsson, verslunarstjóri hjá Olís Básinn, var að vonum ánægður með árangurinn og segir sitt fólk ekki ætla að gefa þennan titil eftir en sú þjónustustöð sem verður efst í þjónustukönnun Olís hvern mánuð hlýtur farandbikar til viðurkenningar í einn mánuð.

VF-mynd/ starfsfólk Bássins á góðri stundu