Barnahátíð Reykjanesbæjar sett - myndir

Barnahátíð í Reykjanesbæ var sett með formlegum hætti í morgun, fimmtudaginn 10. maí í Duushúsum þegar sýningin „Sögur og ævintýri“ opnaði að viðstöddum elstu börnum allra tíu leikskólanna í bænum. Sýningin er leikskólahluti Listahátíðar barna sem er samstarfsverkefni Listasafns Reykjanesbæjar, allra 10 leikskólanna og allra 6 grunnskólanna í bænum.

Leikskólabörnin hafa unnið með sögur og ævintýri stóran hluta úr vetri og afraksturinn, heill ævintýraskógur sem þau hafa skapað, verður til sýnis í Duushúsum ásamt listasmiðju og ýmsu öðru. Sýningar leikskólanna hafa ekki verið neinar venjulegar sýningar og dregið að sér þúsundir gesta ár hvert. Börnin sungu og horfðu á leikrit áður en gengið var yfir í sýningarsal.

Ljósmyndasafn Víkurfrétta má sjá með því að smella hér.

Dagskrá hátíðarinnar má svo sjá hér.





Krakkarnir skemmtu sér vel yfir Búkollu

VF-Myndir [email protected]