Bandarískir jólasöngvar í safnaðarheimilinu

Fimmtudaginn 13. desember kl. 20:30 heldur samkirkjulegur kór Varnarliðsins á Keflavíkurflugvelli tónleika í safnaðarheimilinu í Sandgerði. Yfirskrift tónleikana er “Ferð vonarinnar” eftir Camp Kirkland og Tom Fettke.
Í kór Varnarliðsins eru um 40 félagar sem á undanförnum vikum hafa lagt á sig mikla vinnu að setja upp þessa tónleika. Kórinn samanstendur af áhugasömu söngfólki úr flestum kristilegum söfnuðum á Vellinum. Þar má sjá óbreytta syngja við hlið háttsettra foringja af mikilli innlifun. Söngvarnir eru fullir af sannri jólagleði.

Allir velkomnir

Björn Sveinn Björnsson sóknarprestur