Aukin lífsorka og gleði á Heilsuhóteli Íslands

Að upplifa og nema hluti sem breyta lífinu með jákvæðum hætti eru markmið Heilsuhótels Íslands. Aukin lífsorka og gleði eru gæði sem flestir sækjast eftir. Góð heilsa byggir á góðu mataræði, hreyfingu, hvíld og slökun auk jákvæðni. Það eru verkefni Heilsuhótels Íslands.

Boðið er upp á glæsilegt morgunverðarhlaðborð, góðan og hollan hádegisverð og ljúffengan og nærandi kvöldverð.

Heilsumeðferðin sem notuð er hefur verið þróuð og notuð lengi. Í meðferðinni eru skapaðar þær aðstæður í líkamanum að hann hjálpar sér sjálfur sem auðveldar honum að vinna bug á óheilbrigði, sé það fyrir hendi.

Áhugaverðasta námskeiðið á Heilsuhótelinu tekur tvær vikur. Dagskráin er einföld og byggist á ákveðnu mataræði, þar sem aðaluppistaðan er grænmeti og ávextir, heilbrigð hreyfing (gönguferðir og létt leikfimi), sogæða- og bólgueyðandi nudd, gufuböð, hvíld og slökun.

Einnig er boðið upp á einkaviðtöl þar sem farið er yfir stöðu hvers og eins og markmið sett út frá því.