Áramótastemmning við risabrennu í Garði

Það skapaðist mikil og góð áramótastemmning við brennuna í Garði í gærkvöldi. Þar höfðu félagar í Björgunarsveitinni Ægi hlaðið risabrennu, örugglega þá stærstu á Suðurnesjum í ár.
Kveikt var í brennunni í algjöru logni, sem er fátítt í Garðinum, og stóðu logarnir langt til himins. Þá var það mál manna að efni brennunnar væri það hreint að varla var hægt að merkja reyk frá brennunni.

Mikill fjöldi gesta var við brennuna og m.a. mátti sjá þar mörg andlit úr Reykjanesbæ, enda engin brenna í Reykjanesbæ um áramótin.

Lokapunkturinn yfir áramótabrennuna í Garði var síðan glæsileg flugeldasýning Sveitarfélagsins Garðis, sem sýndi með sýningunni að Garðmenn eru stórhuga.

Víkurfréttamyndir: Hilmar Bragi Bárðarson

Stórhuga Garðmenn með flotta flugeldasýningu.

Frá flugeldasýningunni.

Björgunarsveitin Ægir í Garði sér um áramótabrennuna sem var sérstaklega stór þetta árið...

... og brennan brann einstaklega glæsilega. Logarnir beint til himins!