Aparóla komin upp í ungmennagarðinum í Grindavik

Nýlega var sett upp svokölluð aparóla í ungmennagarðinum við grunnskóla Grindavíkur að Ásabraut. Er rólan fyrsta tækið sem sett var upp í ungmennagarðinum en hafist var handa við uppbyggingu garðsins núna í sumar.

Í plönum ungmennaráðs Grindavíkur er að í ungmennagarðinum eigi að koma upp mínígolfvelli, trampólíni, körfuboltavelli, strandblaksvelli, sófarólu, skýli og aparólu með gúmmíhellum undir, sem nú er komin upp. Heildarkostnaðar og framkvæmdaáætlun við ungmennagarðinn var kynnt fyrir bæjarstjórn í vor af ungmennaráði og var kostnaðurinn 11 milljónir, og að auki 1850.000 kr í annan kostnað. Aðallega jarðvinnukostnað. Þetta kemur fram á grindavik.net