Allt um yfirsýn og skipulag
Fyrirlestur í boði Virkjunar
Betri yfirsýn og skipulag í rekstri heimilisins er meðal þess sem tekið verður fyrir á fyrirlestri á vegum Virkjunar þriðjudaginn 24. febrúar n.k. Þátttakendur fá verkfæri í hendurnar sem geta hjálpað þeim að stórbæta fjárhagstöðuna sína.
Á fyrirlestrinum deilir fyrirlesarinn, Fanney Marín Magnúsdóttir, sinni persónulegri reynslu og lýsir á skemmtilegan en einlægan hátt hvernig þessi verkfæri hafa umbreytt hennar fjármálum og styrkt hana á svo marga aðra vegu. Höfundur námsefnisins er Garðar Björgvinsson.
Allir þátttakendur geta óskað eftir persónulegri ráðgjöf í formi einstaklingsviðtals. Sérstakur afsláttur er veittur þeim sem mæta á fyrirlesturinn.
Fyrirlesturinn, sem tekur ca 3 klst með hléi, byrjar kl. 11:00.
Skráning fer fram í móttöku Virkjunar eða í síma 426-5388. Takmarkaður fjöldi er í boði.
