Allt um geirfuglinn í Keili

Hið nýstofnaða félag fuglaáhugafólks á Suðurnesjum efnir til fræðslufundar í Keili á Ásbrú í kvöld, fimmtudaginn 20. október kl. 20. Dr. Kristinn Haukur Skarphéðinsson, fuglafræðingur, verður gestur fundarins og mun segja frá sögu og örlögum geirfuglsins. Sem kunnugt er þá er talið að síðasti fuglinn í heiminum hafi verið drepinn við Eldey. Er það rétt? Hvers vegna dó hann út? Hve stór var hann? Eru til uppstoppuð eintök? Þessum spurningum og fleirum mun dr. Kristinn svara á þessu kvöldi.

Fyrirlesturinn er öllum opinn og aðgangur ókeypis.

Stjórnin.