Álfarnir í Grænadal
Bókin Álfarnir í Grænadal eftir Hólmfríði Snorradóttur úr Njarðvík er komin út. Bókin fjallar um álfana í Grænadal en helstu hugarefni þeirra er dalurinn og fjölskyldan.
Hugmyndin að Bambaló búálf, sem er aðalpersóna bókarinnar, fæddist fyrir nokkrum árum þegar Hólmfríður samdi ljóð um þennan káta álf. Seinna meir varð sagan um álfinn að leikriti. „Frændi minn var að gifta sig og vantaði skemmtiatriði fyrir börnin. Ég vissi af því að bróðir hans hafði verið að leika og ákvað að semja leikþátt um Bambaló búálf þó ljóðið um hann væri fyrir löngu týnt“, segir Hólmfríður. Viðtökurnar sem leikþátturinn fékk voru mjög góðar og börnin spurðu sífellt um Bambaló. „Dóttir mín ýtti á mig að skrifa meira um Bambaló og ég skrifaði ýmsar sögur hér og þar í stílabækur.“ Það var þó ekki fyrr en veikindi gerðu vart við sig að bókin fór að fæðast. „Á meðan ég beið eftir að fara í uppskurð setti sonur minn söguna inn í tölvu. Síðan fór ég að mála en ég hafði farið á námskeið í Baðstofunni og teikninámskeið“, segir Hólmfríður sem var þó ekki sátt við myndirnar. „Mér fannst ég ekki nógu góð að teikna og var að tala um það við frænda minn. Sonur hans sagði þá: „Ég get teiknað, ég get teiknað.“ Ég ákvað að hugsa eins og hann og teikna mínar myndir eins og ég vildi hafa þær“, segir Hólmfríður sem hafði haft bókina í huganum í þrjú ár. Smátt og smátt varð síðan til bók. Sonur Hólmfríðar stakk þá upp á því að fá Víkurfréttir til að undirbúa bókina undir prentun. Vinnan við bókina var þó mun meiri en Hólmfríður hafði gert sér í hugalund.
Boðskapur bókarinnar nær vel til barna í upphafi nýrrar aldar: Hugsaðu vel um náttúruna og fjölskyldu þína og hugsaðu jákvætt. Það er það sem álfarnir í Grænadal gera, álfarnir í Langadal hafa hinsvegar hætt að hugsa um náttúruna og þar er umhverfið ekki fallegt. Að lokum vinna allir saman og þá fær sagan skemmtilegan endir.
Hólmfríður á sjálf þrjú uppkomin börn sem öll hafa tekið þessu uppátæki vel en þau fengu oft að heyra sögur hjá mömmu. Dóttursonur Hólmfríðar hefur fengið að heyra söguna um Álfana í Grænadal og líkar hún vel. Bókin er nú þegar komin í verslanir á höfuðborgarsvæðinu og er væntanleg í verslanir hér og um allt land. Hólmfríður sér sjálf um útgáfu bókarinnar en texti og teikningar eru eftir hana. Fleiri bækur eru ekki á dagskránni í bráð hjá Hólmfríði en hún vill ekki loka alveg á þann möguleika, það er því aldrei að vita hvað framtíðin ber í skauti sér.
Hugmyndin að Bambaló búálf, sem er aðalpersóna bókarinnar, fæddist fyrir nokkrum árum þegar Hólmfríður samdi ljóð um þennan káta álf. Seinna meir varð sagan um álfinn að leikriti. „Frændi minn var að gifta sig og vantaði skemmtiatriði fyrir börnin. Ég vissi af því að bróðir hans hafði verið að leika og ákvað að semja leikþátt um Bambaló búálf þó ljóðið um hann væri fyrir löngu týnt“, segir Hólmfríður. Viðtökurnar sem leikþátturinn fékk voru mjög góðar og börnin spurðu sífellt um Bambaló. „Dóttir mín ýtti á mig að skrifa meira um Bambaló og ég skrifaði ýmsar sögur hér og þar í stílabækur.“ Það var þó ekki fyrr en veikindi gerðu vart við sig að bókin fór að fæðast. „Á meðan ég beið eftir að fara í uppskurð setti sonur minn söguna inn í tölvu. Síðan fór ég að mála en ég hafði farið á námskeið í Baðstofunni og teikninámskeið“, segir Hólmfríður sem var þó ekki sátt við myndirnar. „Mér fannst ég ekki nógu góð að teikna og var að tala um það við frænda minn. Sonur hans sagði þá: „Ég get teiknað, ég get teiknað.“ Ég ákvað að hugsa eins og hann og teikna mínar myndir eins og ég vildi hafa þær“, segir Hólmfríður sem hafði haft bókina í huganum í þrjú ár. Smátt og smátt varð síðan til bók. Sonur Hólmfríðar stakk þá upp á því að fá Víkurfréttir til að undirbúa bókina undir prentun. Vinnan við bókina var þó mun meiri en Hólmfríður hafði gert sér í hugalund.
Boðskapur bókarinnar nær vel til barna í upphafi nýrrar aldar: Hugsaðu vel um náttúruna og fjölskyldu þína og hugsaðu jákvætt. Það er það sem álfarnir í Grænadal gera, álfarnir í Langadal hafa hinsvegar hætt að hugsa um náttúruna og þar er umhverfið ekki fallegt. Að lokum vinna allir saman og þá fær sagan skemmtilegan endir.
Hólmfríður á sjálf þrjú uppkomin börn sem öll hafa tekið þessu uppátæki vel en þau fengu oft að heyra sögur hjá mömmu. Dóttursonur Hólmfríðar hefur fengið að heyra söguna um Álfana í Grænadal og líkar hún vel. Bókin er nú þegar komin í verslanir á höfuðborgarsvæðinu og er væntanleg í verslanir hér og um allt land. Hólmfríður sér sjálf um útgáfu bókarinnar en texti og teikningar eru eftir hana. Fleiri bækur eru ekki á dagskránni í bráð hjá Hólmfríði en hún vill ekki loka alveg á þann möguleika, það er því aldrei að vita hvað framtíðin ber í skauti sér.
