Álfar og forynjur á kvöldstund
– með Kór Keflavíkurkirkju
Að þessu sinni verður kvöldstund með kórnum tileinkuð álfum, tröllum og forynjum og verða konur í aðalhlutverki í Kirkjulundi í kvöld kl. 20:00.
Kórfélagar stíga á stokk, konur taka lagið og boðið verður upp á kaffi og kruðerí í notalegri kaffihúsastemmningu. Kynnir kvöldsins Kristján Jóhannson tengir þetta allt saman á léttu nótunum og tekið verður á móti frjálsum framlögum í ferðasjóð kórsins.
Verslunarmannafélag Suðurnesja og Verkalýðs- og sjómannafélag Keflavíkur og nágrennis styðja við kvöldstund með kórnum að þessu sinni og bjóða gestum að njóta.
Allir velkomnir og enginn aðgangseyrir.
