ALFA NÁMSKEIÐ Í KEFLAVÍKURKIRKJU
Kynningarkvöld um ALFA var í gærkvöldi í Kirkjulund. En það eru námskeið sem Keflavíkurkirkja hefur staðið fyrir undanfarin ár. Það er sérstaklega sniðið fyrir þá sem eru leitandi og vilja fá einhver svör við tilgangi lífsins. Það hentar vel þeim sem vilja kynna sér kristindóminn og Biblíuna á einfaldan og auðskiljanlegan hátt. Alfa er fyrsti stafurinn í gríska stafrófinu og námskeiðið er um fyrstu skrefin í kristinni trú. Reynt er að hafa námskeiðið í eins notalegu og afslöppuðu umhverfi og mögulegt er. Kennslan er sett fram á einfaldan og skiljanlegan hátt. Þar er svarað spurningum um lífið, tilgang þess, trúna og þeim spurningum sem liggja á hjarta hvers og eins. Námskeiðið stendur í tíu vikur, eitt kvöld í viku. Það byggist upp á sameiginlegri máltíð, stuttri samverustund, fyrirlestri og umræðum. ALFA námskeiðin hafa nú farið sigurför um heiminn á undanförnum árum og þá sérstaklega á Stóra Bretlandi og á meginlandi Evrópu. Um 13.000 Alfa námskeið eru nú haldin í yfir hundrað löndum. Á síðasta ári sóttu yfir 1.200.000 manns ALFA námskeið víðsvegar um heiminn. En það er tvöföldun frá árinu áður. Það eitt ætti að vera næg einkunn. Á þessu ári er áætlað að yfir 2 milljónir manna sæki Alfa námskeiðin. Eitt af því sem einkennt hefur ALFA námskeiðin er að kristindómurinn er settur fram á einfaldan og auðskiljanlegan hátt. Þar geta allir verið virkir þátttakendur hvort sem þeir eru með mikla eða enga þekkingu á kristinni trú. Alfa námskeiðin hafa fengið mikla umfjöllun í erlendum fjölmiðlum og má í því sambandi nefna að nýverið var umfjöllun um þessi námskeið í Time og Newsweek. Þessi námskeið byrjuðu hér á Suðurnesjum fyrir þremur árum og var þá fyrsta námskeiðið innar þjóðkikjunnar. Nú hafa fleiri fetað í fótspor okkar suðurnesjamanna og halda þessi námskeið í Reykjavík og viðsvegar um land. En það eru bæði þjóðkirkjusöfnuðir, fríkikjusöfnuðir og félög. Það má gera ráð fyrir að Alfa námskeið verði haldin á um 20 mismunandi stöðum við vegar um landið í vetur. Nánari upplýsingar um námskeiðin má finna á heimasíðu Alfa á Íslandi http://www.alfa.is Ef þú vilt skrá þig á námskeiðið þá fer hún fram í síma: 421-3985 (Ragnar og Málfríður) eða 421- 4345 (Sigfús og Laufey) og í síma 421-4337 í Kirkjulundi.
