Airwaves tónleikar í Bláa lóninu á morgun

Tónleikar í Bláa Lóninu í tengslum við Airwaves tónlistarhátíðarinnar eru einn vinsælasti viðburður hátíðarinnar. Tónleikarnir í ár verða haldnir frá kl 13.30 - 15.30 laugardaginn 17. október. Tónlistin verður í höndum DJ Margeirs og mun hann spila tónlist af Blue Lagoon Soundtrack 2 plötunni sem kom út í ágúst á þessu ári.

Diskurinn inniheldur 16 frábær lög - hljóðblönduð í eina samfellda heild með flytjendum eins og Bat For Lashes, Chromatics, Air, Hauki Morthens & Erlu Þorsteinsdóttur sem og sérstök Gluteus Maximus Rework útgáfa af Hjálma laginu Hafið sem var sérstaklega endurunnin fyrir þessa útgáfu. Blue Lagoon Soundtrack 2 fylgir eftir Blue Lagoon Soundtrack sem hefur selst í tæplega 5000 eintökum en hún kom í verslanir 2006 og er enn að seljast gríðarlega vel enda tímalaus klassík og skyldueign inn á öll heimili.

Samstarf Bláa Lónsins og Margeirs hefur varað um árabil og er gott dæmi um nýsköpunarverkefni sem er afrakstur listamannsins Margeirs og fyrirtækis sem byggir starfsemi sína á einstakri endurnýjanlegir náttúruauðlind. Þessi magnaða plata er hljóðblönduð til að fanga hið einstaka jafnvægi milli gífurlegs sköpunarkraftsnáttúrunnar & vísindanna sem virkja hana.

Tónlistarunnendur ættu ekki að láta þessa einstöku uppákomu framhjá sér fara.