Afhentu Bókasafni Grindavíkur veglega gjöf
Bókasafn Grindavíkur fékk góða gesti í heimsókn í gær, þann 11. apríl, þar sem fulltrúar Hitaveitu Suðurnesja komu færandi hendi og afhendu safninu bókagjöf, Fréttaveituna, sem er fréttabréf Hitaveitu Suðurnesja og starfsmanna hennar, innbundna frá 1987 til 2004. Efnið er í þremur bindum og er góð heimild um starfsemi og starfsmenn Hitaveitunnar á þessum tíma.
Björn Stefánsson ritstýrði blaðinu á þessum árum og það var hann sem afhenti gjöfina. Ljósmyndari og nýr ritstjóri, Víðir S. Jónsson, var með í för og tók meðfylgjandi mynd af forstöðumanni safnsins, Margréti R. Gísladóttur og Birni að skoða gjöfina.
Hitaveitan hafði einnig afhent Bókasafni Reykjanesbæjar eintak viku áður.
