AF STAÐ á Reykjanesið: Alfaraleið
Næsta ferð í gönguröðinni AF STAÐ á Reykjanesið verður farin laugardaginn 17. maí, kl. 11 farin verður svokölluð Alfaraleið, úr Hvassahrauni í Straumur alls um 7 km.
Upphafsstaður: Akið Reykjanesbraut að skilti þar sem á stendur Hvassahraun, þar er ekin slaufa undir veginn að bílastæði og áningarborði rétt hjá.
Alfaraleið er gömul þjóðleið milli Voga og Hafnarfjarðar. Genginn verður hluti af leiðinni frá Hvassahrauni að Straumi. Svæðið býr yfir minjum og sögum sem leiðsögumenn munu miðla á leiðinni. Áætlað er að gangan taki ca. 3-4 klst. með fræðslustoppum. Auðveld leið en gott er að vera með nesti og í góðum skóm. Allir á eigin ábyrgð. Akstur til baka kr. 500. Frítt fyrir börn.
Gangan er þriðja ferð af fimm menningar- og sögutengdum gönguferðum um hluta af gömlu þjóðleiðunum á Reykjanesskaganum sem farnar verða í maí ´08. Boðið er upp á þátttökuseðil þar sem göngufólk safnar stimplum fyrir hverja ferð. Þegar búið verður að fara 3 - 5 gönguleiðir verður dregið úr seðlum og einhverjir þrír heppnir fá útivistarvörur frá Cintamani. Dregið verður eftir síðustu gönguna. Þátttakendur eru beðnir um að muna efti að taka þátttökuseðla með í ferðir.
Gönguferðin er í boði Menningarráðs Suðurnesja og sjf menningarmiðlunar.
Nánari upplýsingar um ferðir:
[email protected]/gsm. 6918828
VF-mynd/elg - Úr síðustu ferð AF STAÐ
