Aðalfundur FÍÆT haldinn í Reykjanesbæ

Aðalfundur FÍÆT félags íþrótta- og æskulýðsfulltrúa var haldinn í Reykjanesbæ föstudaginn 4. maí sl.

Fundurinn fór fram í Bíósal Duushúsa en að honum loknum fræddust fundarmenn um það helsta sem er á döfinni í íþrótta og æskulýðsmálum í Reykjanesbæ. Hópurinn fékk m.a. kynningu á fyrirhuguðu Motopark svæði og Íþróttaakademíunni í Reykjanesbæ.

Einnig skoðaði hópurinn sig um á Reykjanesskaganum s.s. í Bláa lóninu og það sem vakti mikla athygli, mannvirki á Keflavíkurflugvelli s.s. sundlaug og íþróttahús.

Stefán Bjarkason framkvæmdastjóri menningar-, íþrótta- og tómstundasviðs og Ragnar Örn Pétursson íþrótta- og tómstundafulltrúi Reykjanesbæjar tóku á móti hópnum.

Mynd: Hópurinn kom saman á nýrri sýningu Poppminjasafns Íslands, Vagg og veltu og hitt þar fyrir sjálfan rokkkónginn Rúnar Júlíusson sem vakti mikla lukku.