88 Húsið: Fyrirlestur um svefnvenjur barna

N.k miðvikudag kl. 14 verður fyrirlestur um svefnvenjur barna á efri hæð 88 Hússins á vegum klúbbsins Ungt fólk með ungana sína.

Arna Skúladóttir, sérfræðingur í svefni og svefnvandamálum barna, mun fara með fyrirlesturinn. Hún frumkvöðull hér á landi í lækningum barna með svefnraskanir og hefur bjargað sálarlífi fjölmargra svefnvana foreldra. Hún kom nýlega fram á SKJÁEINUM í þættinum Fyrstu skrefin.

Klúbburinn hefur staðið fyrir mörgum fróðlegum fyrirlestrum að undanförnu en þessi er sá síðasti í bili og verður því boðið upp á vöfflur með sultu og rjóma.

Námskeiðið er frítt og allir hvattir til að mæta.