Bláa Lónið - 01apíl.
Bláa Lónið - 01apíl.

Mannlíf

  • 60 manns og 80 hamborgarar
    Félagsmaður ánægður með hamborgara eftir puðið.
  • 60 manns og 80 hamborgarar
Miðvikudagur 29. apríl 2015 kl. 12:33

60 manns og 80 hamborgarar

Vel heppnaður Umhverfisdagur Keflavíkur í gær.

 

„Fyrir hönd Keflavíkur íþrótta- og ungmennafélags vil ég þakka ykkur fyrir stuðninginn á Umhverfisdegi okkar í gær,“ segir formaðurinn Einar Haraldsson á vefsíðu félagsins. Yfir sextíu manns tóku þátt. Eftir að búið var að fara yfir svæðin á starfssvæði félagsins og týna upp rusl var fólki boðið upp á 80 grillaða hamborgara að hætti formannsins ásamt gosi og Flóridana safa í félagsheimilinu.

Public deli
Public deli

„Það er okkar markmið að vel sé gengið um keppnissvæði og nærumhverfi félagsins, þau séu snyrtileg og okkur til sóma. Viljum við því sýna gott fordæmi með því að vera í fararbroddi að halda okkar nærumhverfi hreinu. Ennfremur viljum við beina þeim tilmælum til stuðningsmanna okkar og annarra velunnara sem koma og styðja við bakið á iðkendum og brýna jafnframt fyrir þeim að ganga ætíð vel um íþróttasvæðin „Hreint land fagurt land“,“ segir Einar ennfremur. 

 

Samstarfsaðilar Keflavíkur á Umhverfisdeginum voru Reykjanesbær umhverfissvið (sá um ruslapoka og að farga því rusli sem safnaðist eftir tiltekt), Víkurfréttir (sá um að fjalla um Umhverfisdaginn), Samkaup (tók þátt í grillinu), Körfuknattleiksdeild Keflavíkur (sá um hamborgarana), Myllan (sá um hamborgarabrauðin) og Ölgerðin (sá um drykkina). Þessum aðilum eru færðar sérstakar þakkir og félagsmönnum öllum.