1643 cm og 279.5 kg fuku í áskorendakeppni Lífsstíls

Úrslit í áskorendakeppni Lífsstíls voru tilkynnt um helgina. Aldrei hefur keppnin verið eins jöfn og spennandi eins og nú. Áskorendakeppni Lífsstíls er líkams- og heilsuræktarkeppni þar sem fólk keppir um að ná sem mestum árangri á 12 vikum. Í upphafi er fólk mælt frá toppi til táar bæði ummáls- og fitumælt. Mælingar eru endurteknar á 4ra vikna fresti til að sjá hvar fólk stendur og einnig til að veita aðhald.

Myndir af þeim sem náðu bestum árangri hér!Í upphafsmælingu og í lokamælingu eru teknar myndir sem stuðst er við þegar árangur er metinn.
Ekki er eingöngu horft í þann kílóafjöld sem fólk er að missa, heldur heildar árangur metinn svo sem hlutfall fitu af því sem fólk er að missa, þannig að ALLIR eiga jafna möguleika á sigri.
Eins og áður sagði hefur árangur verið gífurlega góður eða eins og hér sést á meðfylgjandi myndum:

Karlar:

1. sæti: Tómas Guðmundsson

2. sæti: Sigurður Enoksson

3. sæti: Valgeir Magnússon

Konur:

1. sæti: María Kristín Óskarsdóttir

2. sæti: Vordís Heimisdóttir

3. sæti: Ásgerður Kroknes

Fyrir áhugasama þá er ný áskorendakeppni að hefjast og verður kynningarfundur á Sólsetrinu á Hótel Keflavík, þriðjudaginn 22. apríl (3. í páskum) kl. 20.20.