Leita á VF.is

Einnig á VF.is

Útvarp í beinni

Aðrir miðlar

Vefútgáfa hér

Svipmyndir frá 2009

Svipmyndir 2009 - VFmyndir/elg. Þessar dömur hrifust mjög af vélakosti Flugakademíu Keilis þegar hún var formlega opnuð í ársbyrjun. Um miðjan janúar héldu höfrungavöður eða hnýðingar sig nærri landi í Stakksfirði. Héldu hvalirnir sig á þessum slóðum um tíma og notuðu margir tækifærið til að berja þá augum. Fallegar vetrarstillur einkenndu veðrið í febrúar. Framkvæmdum við Víkingaheima lauk og voru lyklarnir afhentir formlega í febrúar. Enn eitt bílslysið varð á hinum illræmdu Grænásgatnamótum. Enn og aftur varð talsverð umræða um umferðaröryggi á gatnamótunum. Samgönguráðuneytið lofaði úrbótum um sumarið en ekkert bólar á þeim ennþá. Ögmundur Jónasson, þáverandi heilbrigðisráðherra fundaði með starfsfólki HSS í febrúar. Þrátt fyrir fjársvelti undanfarin ár er stofnuninni gert að skera niður útgjöld. VFmynd/pket.
Börn í Reykjanesbæ söfnuðu fé fyrir ABC barnahjálp. Í Reykjanesbæ flykktust börn í Reykjaneshöllina á Öskudaginn og sýndu m.a. tilþrif við tunnusláttinn. Leikfélagið Vox Arena setti upp leikverkið Sódóma við góðan orðstýr. VFmynd: pket Sýningin Völlurinn var opnuð í mars í Duushúsum. Á meðal gesta var Björgvin Halldórsson sem hreifst mjög af gömlu tækjunum úr Kanaútvarpinu. Talsvert tjón varð í bruna á bátaverkstæði í Sandgerði í mars. Talsvert bál varð í gamla Jökli í apríl. Hann var síðan jafnaður við jörðu síðla árs með tilkomumikilli sprengingu.
Skátar fylktu liði og þrömmuðu um götur bæjarins á Sumardaginn fyrsta. Íslenski dansflokkurinn setti upp magnaða danssýningu í Bláa lóninu í apríl þar sem kynjaverur með kísilhöfuð stigu upp úr djúpinu. Unga fólkið er ekki eingöngu í tölvuleikjum. Hér er tekið í spil upp á gamla móðinn í Fjölbrautaskóla Suðurnesja. Gönguferð í Grindavík. Tilefnið var nýtt söguskilti en Grindvíkingar hafa komið upp nokkrum slíkum í sveitarfélaginu. Ökumanni þessarar bifreiðar fipaðist aksturinn með þeim afleiðingum að bíllinn fór í gegnum girðingu á lóð Myllubakkaskóla. Engum varð meint af sem betur fer. Krakkarnir í Njarðvíkurskóla sprettu úr spori á vordögum og söfnuðu fé til styrktar veikum skólabróður.
Fulltrúum Heiðarskóla í Skólahreysti var tekið sem þjóðhetjum í skólanum eftir frækilegan árangur í keppninni. Fulltrúar Ferðamálasamtaka Suðurnesja gengu á Keili í maí og komu þar fyrir voldugri útsýnisskífu. Leikskólabörn í Reykjanesbæ héldu sína árlega listahátíð í Duus-húsum í vor og var hún vegleg að vanda. Merkilegur fornleifauppgröftur á landnámsbæ í Höfnum hófst snemma sumars. Grindvíkingar skemmtu sér konunglega í blíðskaparveðri á Sjóaranum síkáta. Sumarfjör á leikskólanum Tjarnarseli.
Heitasta deilumálið á árinu suður með sjó var salan á HS Orku síðastliðið sumar. Íbúar létu sig ekki vanta á borgarafund í Duushúsum. Keflvíkingar áttu framan af sumri góðu gengi að fagna á Íslandmótinu í knattspyrnu og unnu FH-inga í bikarkeppninni. En þá fór allt að ganga á afturfótunum. Þjálfari þeirra til fimm ára hætti störfum í lok tímabilsins. Sjósundskappar undu sér vel í veðurblíðunni á Garðskaga í sumar. Í Vogum lék ungviðið sér í sumarblíðunni í júlí og lét argaþras fullorðna fólksins um Icesave og bankahrun ekkert á sig fá. Höskuldur Frímannsson, sonur síðasta mannsins sem bjargaðist af togaranum Jóni forseta árið 1928, afhjúpaði síðla sumars minnisvarða um atburðinn. Minnisvarðinn er á Stafnesi skammt frá strandstað. Ungir sem gamlir skemmtu sér á Sandgerðisdögum í ágúst.