Zlatan og atvinnumennskan á bókasafninu
Skemmtileg dagskrá á Bókasafni Reykjanesbæjar fyrir fótboltakrakka
Á morgun Fimmtudaginn 15. nóvember kl. 19.30 verður dagskrá á Bókasafni Reykjanesbæjar sem sérstaklega er sniðin að ungum knattspyrnuiðkendum. Dagskráin er liður í norrænu bókasafnavikunni, 12. - 18. nóvember.
Lesið verður úr ævisögu Zlatan Ibrahimovic og knattspyrnumennirnir úr Keflavík, þeir Jóhann B. Guðmundsson og Ómar Jóhannsson segja frá atvinnumennsku og kynnum sínum af Zlatan en Ómar lék um tíma með Zlatan hjá Malmö í Svíþjóð. Jóhann var atvinnumaður á Englandi, Noregi og í Svíþjóð. Einnig verður vakin athygli á öðrum knattspyrnubókum. Léttar veitingar verða í boði.
