Winters og Young yfirgefa Grindvíkinga

Skosku leikmennirnir Derek Young og Robbie Winters hafa báðir yfirgefið herbúðir Grindvíkinga í Pepsi-deild karla í knattspyrnu. Leikmennirnir voru með samning til loka ágúst mánaðar og nú ætla þeir að leita sér félags í heimalandi sínu.

Winters er reyndur framherji en hann gekk til liðs við Grindvíkinga í vor. Winers, sem lék með Ólafi Erni Bjarnasyni hjá Brann á sínum tíma, skoraði þrjú mörk í fjórtán leikjum í Pepsi-deildinni í sumar. Young kom til Grindvíkinga í lok júlí og lék fimm leiki í Pepsi-deildinni. Á þeim mánaðar kafla sem hann var hjá félaginu þá töpuðu Grindvíkinga ekki leik. Grindvíkingar eru með 18 stig í níunda sæti Pepsi-deildarinnar þegar fimm umferðir eru eftir.

VF-Mynd: Robbie Winters