Vikar Íslandsmeistari í fyrsta sinn

Lokakeppni Íslandsmeistaramótsins í hnefaleikum fór fram í Reykjanesbæ í kvöld þar sem heimamaðurinn Vikar Karl Sigurjónsson varð Íslandsmeistari í léttþungavigt eftir 3-0 sigur á Sigurði Eggertssyni frá HFH. Alls fóru átta úrslitabardagar fram í hnefaleikahöll HFR í kvöld og einn bardagi um bronsverðlaun 75 kg. flokki í junior hóp.

Gunnar Þór Þórsson frá HR var valinn hnefaleikamaður kvöldsins en hann hafði betur gegn Frímanni G. Frímannssyni frá Æsi í einni lotu en Æsismenn stöðvuðu bardagann eftir fyrstu lotu. Gunnar Þór er 18 ára gamall og var að landa sínum fyrsta Íslandsmeistaratitli og það á sannfærandi hátt.

Vikar Karl er 35 ára gamall en hámarksaldur inn á Íslandsmótið er 34 ár en Vikar fékk undanþágu og nýtti hana til hins ítrasta og landaði sínum fyrsta Íslandsmeistaratitli en þetta er annað sinn sem hann tekur þátt á Íslandsmótinu í hnefaleikum.

Íslandsmeistarar kvöldsins:

Junior flokkur

Fjaðurvigt 57 kg

Erling Óskar Kristjánsson HFH

Léttveltivig 64 kg

Gunnar Þór Gunnarsson HR – hnefaleikamaður kvöldsins

Millivigt 75 kg

Stefán Guðni Stefánsson HR

Þungavigt 91 kg

Gunnar Aðalsteinsson HFH

Bronsbardagi í millivigt

Davíð Finnbogason HR