Víðir vann góðan sigur á toppliði Njarðvíkur
Víðir vann nágranna sína úr Njarðvík 3:1 í 2. deild karla í knattspyrnu í kvöld. Helgi Þór Jónsson skoraði fyrsta mark Víðis á 32. mínútu. Njarðvíkingar jöfnuðu fimm mínútum síðar með marki Atla Freyrs Ottesens Pálssonar.
Í hálfleik var staðan 1:1 og var þannig þangað til á lokamínútunum að Patrik Snær Atlason skorar mark á 90 mínútu og svo er Helgi Þór með sitt annað mark á 92 mínútu. Lokastaðan því 3:1 fyrir Víði.
Við sigurinn fór Víðir í 4. sæti með 15 stig. Njarðvík situr enn í fyrsta sæti þrátt fyrir tap í kvöld með 17. stig. Víðismenn fögnuðu vel í lok leiksins.
