Víðir tapar enn og aftur

Vandræði Víðismanna virðast engan endi ætla að taka og á laugardaginn töpuðu þeir, 2-0, gegn Leiftri-Dalvík.

Víðismenn eru í 9. sæti 2. deildar eftir leikinn þegar þrjár umferðir eru eftir, en þó eru liðin mjög jöfn við botninn og allt getur gerst.

Víðismenn voru betri í fyrri hálfleik gegn og átti Björn Bergmann m.a. skot í stöngina. Þeir sköpuðu sér nokkur góð færi en náðu ekki að nýta sér þau.

Leiftur-Dalvík fékk vítaspyrnu eftir að Ingvi Þór, markmaður Víðis, skellti sóknarmanni heimaliðsins en Ingvi Þór gerði sér lítið fyrir og varði spyrnuna.

Á 39. mín skoraði Leiftur-Dalvík og var yfir, 1-0, í hálfleik. Víðismenn byrjuðu aftur vel í seinni hálfleik, en heimamenn skoruðu annað mark úr víti á 81. mín.

Víðismenn spila næst á laugardag gegn Víkingi frá Ólafsvík sem eru í 3. sæti deildarinnar.
Mynd úr safni