"Við eigum harma að hefna" - segir Gunnar Einarsson leikmaður Keflvíkinga

Keflvíkingar leika gegn ÍR í 4-liða úrslitum bikarkeppni KKÍ og Doritos á morgun og hefst leikurinn kl. 16:00. Síðast þegar þessi lið mættust sigraði ÍR og því eiga Keflvíkingar harma að hefna. Gunnar Einarsson, leikmaður Keflvíkinga, sagði í samtali við Víkurfréttir að leikurinn leggðist mjög vel í sig. "Við eigum harma að hefna, en síðast þegar við mættum þeim komum við ekki til að taka á og því spiluðum við ekki eins og menn. Á því verður breyting á morgun".Hvað þurfi þið að varast í leik þeirra?
Ég myndi segja að kaninn þeirra væri hættulegastur, allavegana átti hann stórleik á móti okkur síðast. Við þurfum að vera grimmir undir körfunni sem ég held að verði lítið vandarmál eftir að Ed gekk til liðs við okkur.

Já nú eru þið komnir með nýjan erlendan leikmann, mun hann koma til með að hjálpa liðinu mikið?
Mér finnst vera mikill stígandi í leik hans og hann kemur pottþétt til með að hjálpa okkur helling. Hann er góður undir körfunni og sterkur varnarmaður. Svo er hann einnig baráttuhundur og mikill liðsmaður sem hvetur alla áfram, allan leikinn!

Ertu ánægður með spilamennsku þína á tímabilinu?
Ég er ekki búinn að vera sáttur við spilamennskuna hjá mér það sem af er þessu ári en það fer að breytast.

Jæja að lokum Gunnar, er bikarinn á leið til Keflavíkur?
Það má búast við því að það komi tveir bikarar til Keflavíkur, bæði í karla og kvenna flokki og vonandi láta sem flestir sjá sig í höllinni til að styðja við bakið á okkur.