.jpg)
Vandræðalaust hjá Keflvíkingum
Komnir í undanúrslit eftir sigur á UMFN-b
Það var allt í mesta bróðerni í Ljónagryfjunni í kvöld þegar b-lið Njarðvíkinga fékk topplið Domino's deildarinnar, Keflavík í heimsókn. Gestirnir áttu ekki í teljandi erfiðleikum með að klára leikinn en það sama verður ekki sagt um b-liðið þar sem leikformið var ekki alveg til staðar hjá flestum leikmönnum. Keflvíkingar höfðu 84:108 sigur en leiknum var í raun lokið strax í fyrsta leikhluta.
Leikmenn og áhorfendur skemmtu sér vel enda var léttleikinn í fyrirrúmi. Dóri Karls fékk m.a. salinn til þess að skella upp nokkrum sinnum úr með því að slá á létta strengi með dómurum leiksins.
Keflvíkingar munu mæta Þór í undanúrslitum bikarsins en dregið var í dag. Sigurliðið úr þeim leik mætir svo KR eða Grindavík.
.jpg&description=Vandr%c3%a6%c3%b0alaust+hj%c3%a1+Keflv%c3%adkingum){kind=link}