UTPA lá í borg vindanna

Landsliðsmiðherjinn María Ben Erlingsdóttir og félagar hennar í bandaríska háskólakörfuboltaliðinu UTPA máttu sætta sig við 15 stiga ósigur gegn Chicago State háskólanum á útivelli í gær. Lokatölur leiksins voru 63-48 Chicago í vil en María gerði 2 stig, tók 2 fráköst og gaf 2 stoðsendingar í leiknum.

 

Þetta var fimmti tapleikur UTPA í röð og hefur liðið unnið 8 af 19 leikjum sínum í vetur. UTPA er nú á ferðalagi og því lýkur á þriðjudag þegar liðið fer til Fort Wayne í Indiana og mætir IPFW.

 

VF-Mynd/ Úr safni - María í leik gegn Haukum á síðustu leiktíð.