Upphafið að stórveldinu komin á DVD

Heimildarmyndin Upphafið að stórveldinu, sem fjallar um fyrsta Íslandsmeistaratitil körfuknattleiksliðs karla hjá Keflvíkingum er nú komin í sölu í verslun Nettó í Reykjanesbæ.

Myndin var gefin út á föstudaginn síðastliðinn og hentar hún svo sannarlega í jólapakkann fyrir körfuboltaáhugafólk. Viðtöl eru tekin við fyrrum leikmenn sem segja frá tímabilinu eftirminnilega árið 1989 og skemmtilegar myndir eru sýndar frá úrslitaeinvíginu gegn KR.