Ungu strákarnir skoruðu mörkin

Keflavík vann sigur á Víkingi á Ólafsvík í annarri umferð Mjólkurbikars karla í knattspyrnu sem var leikinn í Akransehöllinni í gær. Það var 2004 árgangurinn sem sá um að skora mörkin.

Víkingur Ó. - Keflavík 2:3

Þetta var fyrsti leikur annarrar umferðar og Keflvíkingar tóku forystu í fyrri hálfleik með marki frá Stefáni Jóni Friðrikssyni ('13), það reyndist eina mark fyrri hálfleiks.

Seinni hálfleikur var nýhafinn þegar Valur Þór Hákonarson tvöfaldaði forystuna ('47) en Ólsarar minnkuðu muninn um tíu mínútum síðar ('56).

Axel Ingi Jóhannesson kom Keflavík aftur í tveggja marka forystu á 70. mínútu en aftur minnkuðu Víkingar muninn ('84).

Lengra komust þeir ekki og Keflavík fer því áfram í 32 liða úrslit.