Unglingalandsliðsmaður til Keflvíkinga

Páll Olgeir Þorsteinsson, tvítugur kantmaður sem leikið hefur með landsliðum U-17 og U-19 er genginn til liðs við Keflavík.

Páll Olgeir er fæddur 1995 en hann fór á lán til Víkings um miðbik síðasta sumars en samtals lék hann 13 leiki í Pepsi deildinni fyrir Breiðablik og Víking.

Hann á 18 landsleiki að baki fyrir U-17 og U-19 ára landslið Íslands og hefur skorað í þeim tvö mörk.

Keflavík á fyrsta leik gegn Víkingum á sunnudag og gæti Páll þar leikið gegn sínum fyrrum samherjum.

Keflvíkingum er spáð áttunda sæti Pepsi-deildarinnar hjá vefsíðunni fotbolti.net.