Undanúrslit Bikarkeppni KSÍ: Keflavík-HK, FH-KA

Keflavík mætir HK í undanúrslitum Bikarkeppni KSÍ og FH leikur við KA, en dregið var nú í hádeginu.

Leikur FH og KA fer fram á Laugardalsvelli þann 25. september og Keflavík leikur við HK daginn eftir.

Í ár var tekið upp á þeirri nýbreytni að hafa undanúrslitin eftir að deildarkeppninni lýkur þannig að leikmenn og aðstandendur verða að biðja fyrir því að haustið verði ekki snemma á ferðinni þetta árið.