U-17 ára kvennalandsliðið leikur á Nettóvellinum í dag

U-17 ára kvennalandslið Íslands í knattspyrnu er við keppni á Opna Norðurlandamóti U-17 ára landsliða sem leikið er hér á landi. Ísland mætir Hollandi á Nettóvellinum í Reykjanesbæ kl. 16:00 í dag í lykilleik en bæði lið eru án stiga eftir fyrsta leik sinn í mótinu.

Ísland mætti Þýskalandi á Grindavíkurvelli í gær og þurfti að sætta sig við 0-2 tap. Fyrirliði liðsins er Grindvíkingurinn Ingibjörg Sigurðardóttir en hún leikur um þessar mundir með Breiðablik.

Þýskaland og Finnland mætast í fyrri leik dagsins á Nettóvellinum og hefst sá leikur kl. 12:30.