Tveir Suðurnesjaslagir í Maltbikarnum

Dregið var í bikarkeppni KKÍ áðan sem nú hefur fengið nafnið Maltbikarkeppnin. Breytt fyrirkomulag verður í ár og fara undanúrslitin nú fram sömu helgi og úrslitin.

Í 32 liða úrslitum karla drógust saman Keflavík og Njarðvík, alvöru nágrannaslagur þar strax í upphafi móts. Grindavík dróst gegn Stjörnunni og Njarðvík B gegn ÍB.

Í 8 liða úrslitum kvenna drógust einnig saman tvö Suðurnesjalið, Grindavík og Njarðvík en Keflavík situr hjá í fyrstu umferðinni.