Tveir Íslandsmeistaratitlar og fjögur silfur hjá Nes

Íslandsmót fatlaðra í sundi var haldið í Sundhöll Reykjavíkur sl. helgi. Keppt var í öllum greinum sundsins og voru vegalengdirnar frá 25m og upp í 400m.
Iðkendur hjá Nes tóku þátt í nokkrum greinum mótsins. Hlutskörpust af Nesurum voru þau Arnar Már Ingibjörnsson sem varð Íslandsmeistari í 50m frjálsri aðferð á 0:35.51 og náði öðru sæti í 50m baksundi á 0:42.77 og 50m bringusundi á 0.43.92 og Sigríður Ásgeirsdóttir sem varð Íslandsmeistari í 50m frjálsri aðferð á 0:50.47 og náði öðru sæti í 50m baksundi á 1:03.30 og 50m bringusundi á 0:57.71. Aðrir keppendur frá Nes stóðu sig einnig vel og voru flestir þeirra í fyrsta eða öðru sæti í sínum riðli.