Tryggðir í úrvalsdeild

Það var gleðistund fyrir Keflvíkinga á sunnudag þegar liðið tryggði endanlega sæti sitt í úrvalsdeild Íslandsmótsins í knattspyrnu að ári. Aðstæður til knattspyrnu voru ekki góðar í Keflavík á sunnudag þegar Keflvíkinga öttu kappi við botnlið deildarinnar, Breiðablik. Leiknum lauk með sigri Keflvíkinga, 2-1.
Fyrri hálfleikur leiksins var fremur tíðindalítill en Guðmundur Steinarsson átti besta færi fyrri hálfleiks á 16. mínútu en það skot rataði framhjá. Fyrsta mark leiksins kom á 57. mínútu, Þórarinn Kristjánsson markaskorari Keflvíkinga skoraði af stuttu færi. Haukur Ingi Guðnason bætti síðan öðru marki við þremur mínútum seinna eftur stungusendingu frá Hólmari Rúnarssyni. Gestirnir náðu síðan að jafna þegar um korter var eftir af leiknum. Keflvíkingar eru í 6. sæti deildarinnar með 23 stig en síðasti leikur liðsins er við Fram á Laugardalsvelli nk. laugardag.