Torfæra AÍFS í dag

Nú gefst landanum loksins tækifæri að kíkja á skemmtilegustu torfærukeppni sumarsins sem haldin verður í dag í Jósepsdal kl. 13:00 (á móti Litlu kaffistofunni).

Akstursíþróttafélag Suðurnesja heldur keppnina í samstarfi við Bíla & Hjól. Í tilefni að 30 ára afmæli félagsins mun helmingur af ágóða keppninnar renna beint til Umhyggju, styrktarfélag langveikra barna.

Keppendur og mótshaldarar skora á sem flesta að kíkja á keppnina og styðja verðugt málefni og fá góða skemmtun í leiðinni.

Þetta er síðasta keppni sumarsins á suðvesturhorninu og því tilvalið að bera tryllitækin augum. Frítt er fyrir börn 12 ára og yngri en aðgangseyrir er 1500 kr. fyrir fullorðna.