Toppleikur í 2. deild
Njarðvíkingar heimsækja Selfoss í 2. deild karla í kanttspyrnu í kvöld og hefst leikur liðanna kl. 20:00.
Selfyssingar hafa unnið tvo fyrstu leikina sína í mótinu en Njarðvikingar hafa unnið einn leik og gert eitt jafntefli. Njarðvíkingar eru að vonast til þess að Bjarni Sæmundsson verði leikhæfur í kvöld en hann hefur verið að glíma við nárameiðsli.
Selfyssingar eru í 2. sæti deildarinnar með 6 stig eftir tvo sigurleiki og hafa ekki enn fengið á sig mark. Njarðvíkingar hafa 4 stig og hafa gert fjögur mörk en fengið á sig þrjú.
Liðin mætast svo aftur á miðvikudag og þá í VISA bikarnum en sá leikur fer fram á Njarðvíkurvelli.
