Tommy Schram til Keflavíkur

Danski knattspyrnumaðurinn Tommy Schram hefur komist að  munnlegu samkomulagi við lið Keflavíkur um að spila með liðinu það sem eftir lifir af Landsbankadeildinni.

Í samtali við Víkurfréttir í dag sagði Rúnar Arnarson að leikmaðurinn fái að öllum líkindum ekki leikheimild fyrr en 15. júlí nk. vegna reglna KSÍ um félagaskipti atvinnumanna og leiki sinn fyrsta leik gegn KR í vesturbænum þann 18.

Schram er er íslenskum boltaáhugamönnum ekki alls ókunnugur vegna þess að hann lék með ÍBV sumarið 2001 og þótti standa sig með ágætum. Hann er 32 ára og lék með 1. deildarliðinu Velje í heimalandi sínu síðasta vetur. Schram, sem lék með yngri landsliðum Danmerkur, getur bæði leikið sem varnarmaður og miðjumaður.