Þurfum að klára jöfnu leikina

Grindvíkingar mæta sjóðheitu liði Víkinga í Víkinni í kvöld. Grindvíkingar hafa komið skemmtilega á óvart það sem af er sumri og leikið afar vel og Víkingar hafa unnið hvern leikinn á fætur öðrum síðustu vikur.
Sigurður Jónsson, þjálfari, mætir þar sínumgömlu lærisveinum og verður fróðlegt að sjá hvernig fer.
Eysteinn Hauksson hefur verið sterkur á miðjunni hjá Grindvíkingum í sumar og sagði í samtali við Víkurféttir að ekkert annð en sigur kæmi til greina.

„Það er greinilegt að Víkingar koma inn í deildina með miklum látum og hafa mikið sjálfstraust, en við vitum að ef við spilum vel munum við sigra.
Það er hins vegar augljóst að við verðum bæta okkur í að klára þessa jöfnu leiki og það á eftir að krefjast 100% einbeitingar og sigurvilja.“