Þróttur Vogum tapaði naumt fyrir Stjörnunni
Eru dottnir út úr Borgunarbikarnum.
Þróttur Vogum tók á móti Stjörnunni í 32 liða úrslitum Borgunarbikarskeppni karla á Vogabæjarvelli í kvöld. Leiknum lauk með 1:0 sigri Stjörnunnar. Markið kom á 10. mínútu og var það Máni Austmann Hilmarsson sem skoraði markið eftir stoðsendingu frá Guðjóni Baldvinssyni.
Rokið í Vogunum í kvöld hafði mikil áhrif á leikinn. Bæði lið áttu þó fína spilkafla inn á milli en þeir voru ekki margir. Þróttarar sýndu mikinn baráttuvilja og börðust nær allan leikin en náðu þrátt fyrir það ekki að koma boltanum inn í mark Stjörnunnar. Þróttarar eru því dottnir út úr Borgunarbikarnum.
