Þróttur í góðri stöðu

Þróttarar geta tryggt sig í undanúrslitin í 4. deild karla í knattspyrnu á þriðjudaginn. Liðið góðan sigur á liði KFG 2-0 í fyrri leik liðanna í úrslitakeppni á Vogabæjarvelli á laugardag. Var þetta fyrsta tap KFG í sumar. Páll Guðmundsson skoraði bæði mörk Þróttara í leiknum. Það fyrra á 13. mínútu og það seinna á 54. mínútu. Seinni leikurinn fer fram þriðjudaginn 2. september á Samsung-vellinum í Garðabæ og hefst klukkan 17:30.