Þriðja þrennan hjá Brittany í vetur

Keflavík heldur efsta sæti í Domino’s deild kvenna í körfubolta eftir sigur á Haukum á útivelli í gærkvöldi. Liðið er með tveggja stiga forskot á toppi deildarinnar.
Liðið þurfti að hafa fyrir sigrinum í gær í mjög jöfnum og spennandi leik. Brittany Dinkins átti enn einn stórleikinn þó hún hafi oft skorað meira en hún setti 19 stig, tók 17 fráköst og gaf 10 stoðsendingar. Þetta var þriðja „þrennan“ hennar í vetur.

Keflavík: Brittanny Dinkins 19/17 fráköst/10 stoðsendingar, Bryndís Guðmundsdóttir 17/11 fráköst/5 stoðsendingar, Birna Valgerður Benónýsdóttir 12, Salbjörg Ragna Sævarsdóttir 8/7 fráköst, Kamilla Sól Viktorsdóttir 6, Erna Hákonardóttir 6, Elsa Albertsdóttir 4, Irena Sól Jónsdóttir 2, Katla Rún Garðarsdóttir 2, Anna Ingunn Svansdóttir 0, María Jónsdóttir 0, Eydís Eva Þórisdóttir 0.