Tekur Guðjón við Leicester?

Guðjón Þórðarson, sem hefur verið sterklega orðaður við þjálfarastöðuna hjá knattspyrnuliði Grindavíkur, hélt til Englands í dag. Þar mun hann, samkvæmt heimildum Víkurfrétta, ræða við 1. deildarlið Leicester City um knattspyrnustjórastöðuna sem losnaði þegar Mickey Adams sagði upp störfum á dögunum. Þar hittir hann fyrir son sinn, Jóhannes Karl.

Guðjón hafði áður afboðað blaðamannafund þar sem búist var við að hann skrifaði undir samning við Grindvíkinga.

Ljóst er því að enn eru þjálfaramál Grindavíkur í lausu lofti.