Tekist á að sjóarasið

Sjóarahátíðin, Sjóarinn Síkáti í Grindavík, verður sett með boxkeppni. Á Suðurnesjunum er hnefaleikaíþróttin búin að marka sér sess sem fastur liður í menningunni, því ætti það að koma fáum á óvart að setningarathöfn Sjóarans Síkáta verður í formi boxkappleiks. Keppni þessi fer fram í Íþróttahúsinu, Grindavík, föstudagskveldið 4. júní.

Að þessu sinni verða það að mestu hnefaleikamenn af Suðurnesjunum sem etja kappi en þrír boxararar úr röðum varnarliðsmanna á Keflavíkurflugvelli munu keppa þarna.  Löngum hafa orustur á milli Suðurnesjamanna og Varnarliðsmanna átt sér stað, en í þetta skiptið verða málin útkljáð í hringnum.  Alls munu  6 bardagar eiga sér stað.

Forsala miða fer fram á Kaffi Duus, Keflavík og Söluturninum Aðalbraut, Grindavík.  Miðaverð er 1000 krónur í forsölu, en 1250 við innganginn. Húsið opnar kl. 19:30 og má búast við því að höggin fari að dynja um 20:30.