Teitur Örlygsson Íþróttamaður ársins

Teitur Örlygsson körfuknattleiksmaður og annar þjálfara meistaraflokks karla, var kjörinn Íþróttamaður ársins 2000 á aðalfundi UMFN sem haldinn var fyrir skömmu í Njarðvíkurskóla.
Þeir sem tilnefningar hlutu voru Sævar Eyjólfsson frá knattspyrnumaður, Jón Oddur Sigurðsson sundmaður og Þórdís Garðarsdóttir lyftingakona. Ólafsbikarinn var einnig veittur og var það Ingólfur Ólafsson sem hlaut hann að þessu sinni fyrir gott og óeigingjarnt starf í þágu unglingaráðs körfuknattleiksdeildar U.M.F.N.
Kristbjörn Albertsson formaður félagsins flutti skýrslu stjórnar. Þar ræddi hann m.a. framtíiðar húsnæðismál félagsins með viðbyggingu Íþróttamiðstöðvarinnar í Njarðvík í huga. Í þessu sambandi kom félagsheimilið Stapinn til umræðu og eignarhlutur U.M.F.N. í honum. Kristbjörn ræddi einnig samskipti félagsins við Njarðvíkurskóla, starfsmannamál, Landsmótið á Egilstöðum og hefðbundin verkefni félagsins. Þá hrósaði Kristbjörn deildum félagsins fyrir mjög blómlegt starf og lýsti ánægju aðalstjórnar með starfsemi þeirra.
Að lokinni veitingu viðurkenninganna var kosning stjórnar. Sitjandi stjórn var einróma endurkjörin. Í henni sitja; Kristbjörn Albertsson formaður, Guðmundur Sigurðsson ritari og Þórunn Friðriksdóttir gjaldkeri. Þegar kosningu var lokið óskaði Kristbjörn, fyrir hönd stjórnar, eftir heimild fundarins til að kanna sölu á eignarhlut félagsins í Stapanum. Var það einróma samþykkt.