Tap hjá Keflavíkurstúlkum

Keflavíkurstúlkur áttu einn sinn slakasta leik í sumar þegar þær tóku á móti HK/Víkingi í gær í 1. deild kvenna í knattspyrnu. Lokatölur urðu 0-3 fyrir gestina en Keflvíkingar áttu í vandræðum með að skapa sér færi þrátt fyrir að vera töluvert með boltann.

HK/Víkingar skoruðu eftir aukaspyrnu í byrjun leiks eftir klaufagang í vörn Keflavíkur. Gestirnir svo bættu öðru marki við fyrir leikhlé og nú eftir hornspyrnu.

Strax í byrjun síðari hálfleiks gera gestirnir svo út um lekinn með þriðja markinu og þar við sat. Verskuldaður sigur HK/Víkings.

Staðan