Tap eftir framlengingu í Breiðholtinu

Það var dínamísk stemning í Breiðholtinu þar sem ÍR og Keflavík fóru alla leið í framlengingu. ÍR gerði sér lítið fyrir og kreisti fram 88:87 sigur eftir gríðarlega spennandi lokamínútur. Það var í raun jafnt á öllum tölum í leiknum og hver karfa skipti öllu máli undir það síðasta.

Amin Stevens sendi leikinn í framlengingu þegar hann setti niður tvö víti þegar leiktíminn var úti Hann fór fyrir Keflvíkingum með 29 stig og 19 fráköst í leiknum. ÍR reyndust hins vegar örlítið sterkari í framlengingu og unnu sér sæti í úrslitakeppninni með sigrinum. Keflvíkingar munu mæta Tindastólsmönnum í úrslitakeppninni en norðanmenn eiga heimavallarétt. 8-liða úrslit hefjast 15. mars.

ÍR-Keflavík 88-87 (21-19, 24-26, 24-24, 12-12, 7-6)
Keflavík: Amin Khalil Stevens 29/19 fráköst/5 stoðsendingar, Guðmundur Jónsson 13, Hörður Axel Vilhjálmsson 12/5 stoðsendingar, Magnús Már Traustason 11/6 fráköst, Reggie Dupree 11, Daði Lár Jónsson 6, Ágúst Orrason 5, Elvar Snær Guðjónsson 0, Arnór Sveinsson 0, Kristján Örn Rúnarsson 0, Arnór Ingi Ingvason 0, Davíð Páll Hermannsson 0.