Sverrir Örvar íþróttamaður Sandgerðis

Sverrir Örvar Elefsen, 14 ára nemandi í 9. SHG við Grunnskóla Sandgerðis, hefur verið útnefndur íþróttamaður Sanderðisbæjar 2012. Sverrir stundar Taekwondo með Keflavík og hefur gert það síðan hann var 7 ára gamall.
 
Á síðasta ári vann Sverrir til margra verðlauna. Meðal annars tvö gull, eitt silfur og eitt brons í tveimur bikarmótum sem hann tók þátt í. En hann komst ekki á þriðja bikarmót ársins vegna meiðsla.
 
Toppnum var þó náð þegar hann vann tvenn gullverðlaun á Íslandsmótinu. Hann vann í sínum þyngdar- og aldursflokki í bardagalist auk þess að vinna í tækni eða Poomsea.